Bu günlərdə Pako Lopesi istefaya göndərən “Levante” rəhbərliyi baş məşqçi problemini yoluna qoyub.

Klubun rəsmi saytının məlumatında istefa qərarına komandanın uğursuz nəticələrinin səbəb olduğu bildirilmişdi. Şənbə günü “Malyorka”ya uduzan (0:1) “Levante” hazırda La Liqada 8 oyuna 4 xalla 20 iştirakçı arasında 18-ci yeri tutur. 54 yaşlı Lopes komandanı 2018-ci ildən çalışdırırdı. Qeyd edək ki, o, klub tarixində valensiyalılara ən uzun müddət başçılıq edən mütəxəssisdi.

“Levante”ni çətin vəziyyətdən Xavyer Pereyra çıxarmağa çalışacaq. 55 yaşlı mütəxəssis ilə “1+2 il” sxemi üzrə müqavilə bağlanılıb.