"Azərbaycan yığması müdafiəyə çəkilməyə məcbur oldu" - Stiven Kenni
DÇ-2022-nin seçmə mərhələsində İrlandiya Bakıda Azərbaycan millisinin qonağı olacaq.
"Football-plus.az" saytının məlumatına görə, "yaşıl geyimli oğlanlar"ın baş məşqçisi Stiven Kenni oyun haqda bunları söyləyib:“Azərbaycan millisinə qalib gəlməsək, nə olacağını deyə bilmərəm. Sadəcə, oyunu udmağa cəhd etməliyik. Bizim hədəfimiz budu. Futbolçuların qarşıdakı matça yanaşması, komanda ruhu əladı. Bunu qələbəyə çevirməliyik.
Bakıya oktyabrın 6-da yola düşəcəyik. Bizi 8 saatlıq yol gözləyir. Daha sonra Azərbaycanda məşqə çıxacağıq. Ümid edirəm ki, hazırlığımız yaxşı keçəcək. Bu oyunu səbirsizliklə gözləyirik. Səfərdə baxımlı oyun göstərib arzuladığımız qələbəni qazanmaq istəyirik".
Kenni Azərbaycanla 1:1 hesablı heç-heçə etdikləri görüşü də xatırlayıb: “İlk hissədəki oyunumuzu yaxşılaşdırmalıyıq. Həmin matçın əvvəlində 3 yaxşı qol epizodu yaxalasaq da, istifadə edə bilmədik. Sonradan geri çəkildik. Əslində isə hücumda oynamalı idik. Rəqib meydanın özünə aid hissəsində topu çox yaxşı saxlayırdı. Ona görə də strategiyamızı dəyişməli olduq. Amma təzyiqdən istənilən kimi çıxa bilmədik. İkinci hissədə oyunun intensivliyini artırdıqdan sonra isə rəqib müdafiəyə çəkilməyə məcbur oldu".
