DÇ-2022-nin seçmə mərhələsində Azərbaycanla qarşılaşacaq İrlandiya millisində itki baş verib.

"Football-plus.az" saytının məlumatına görə, "yaşıl geyimli oğlanlar"ın iki futbolçusu məşqlərdən kənarda qalıb. Mərkəz müdafiəçisi Şeyn Daffi icazəlidi, hücumçu Eron Konnolli isə xəstələnib. Hər iki oyunçunun Bakıya səfər ərəfəsində komandaya qoşulacaqları gözlənilir.

Qeyd edək ki, İrlandiya millisi oktyabrın 9-da, Bakı Olimpiya Stadionunda Azərbaycan yığması ilə üz-üzə gələcək.