Avropa Liqasında uğurlu performans sərgiləyən "Legiya" Polşa çempionatında növbəti oyununa çıxıb.

"Football-plus.az" saytının məlumatına görə, Mahir Emrelinin formasını geyindiyi Varşava təmsilçisi Ekstraklasanın 10-cu turunda səfərdə Qdansk "Lexiya"sı ilə qarşılaşıb. Matç meydan sahiblərinin 3:1 hesablı qələbəsi ilə yekunlaşıb. "Legiya"nın yeganə qolunu isə Tomas Pexkart penaltidən vurub.

Millimizin hücumçusu qarşılaşmanın 46-cı dəqiqəsində meydana çıxıb.

Qeyd edək ki, bu oyundan sonra Qdansk "Lexiya"sı 19 xalla turnir cədvəlində 2-ci, rəqiblərindən 2 matç az keçirən "Legiya" isə 9 xalla 15-ci pillədə qərarlaşıb.