"Zubir və Ozobiç demək olar ki, oyunu tam ələ ala bildi" - Qurban Qurbanov
Azərbaycan premyer-liqasının 6-cı turunda "Qarabağ" "Qəbələ"yə 2:0 hesabı ilə qalib gəldi.
Qarşılaşmadan sonra "köhlən atlar"ın baş məşqçisi Qurban Qurbanov iştirak etdi.
Təcrübəli mütəxəssis əvvəlcə qarşılaşma haqda fikirlərini səsləndirdi:
"Futbolçularımı təbrik edirəm. Bu gün qalibiyyəti xarakter göstərərək qələbə qazandılar. Çox istəkli idilər. Komandam sona kimi meydanda qalib gəlmək üçün ən yaxşısını etdi. Bu gün liderə qarşı oynayırdıq. Oyunlarına baxmışdım, təhlil etmişdik. Tam gördükdən sonra əmin olduq ki, komanda boşuna 1 -ci yerdə deyil. Çox sürətli, istəkli rəqibə qarşı oynayırdıq. Düşünürəm ki, bu günə kimi olduqları 1-ci mövqeyə layiq idilər. Çox maraqlı bir oyunun şahidi olduq. Hər iki komanda həm sürətli, həm də topla çox yaxşı oynayırdı. Tez hücum quran komandaların oyununu gördük meydanda. Razı qaldım futbolçularımdan"
- Elmar müəllim bildirdi ki, "Qarabağ"ın futbolçuların ustalıq səviyyəsi yüksək olduğu üçün biz tab gətirə bilmədik. Siz nə fikirləşirsiz?
- Ola bilər. Hər komandanın öz üstünlüyü var. Bəlkə bizim bəzi futbolçularımız qətiyyəti də böyük rol oynadı. İkinci hissədə meydana çıxan Zubir və Ozobiç demək olar ki, oyunu tam ələ ala bildi. Elmara təşəkkür edirəm ki, bizim futbolçulara belə dəyər verir. Mən rəqibin oyunçuların da potensialını aşağı saymıram. Onların çox sürətli, topla yaxşı davranan oyunçuları var idi. Ola bilər futbolçularımın bəzilərinin təcrübəsi, ustalıq səviyyəsi daha yaxşı oldu"
