"Biz həm DÇ-2018, həm də son Avropa çempionatında kənardan şərhçi cəlb etmişik. Bu da təbii ki, oyunların çoxluğundan irəli gəlirdi. İndi nəzərə alsaq ki, bir tur ərzində cəmi 2 oyun yayınlayacağıq, o zaman dediyiniz məsələ aktuallığını itirir. Əsas şərhçimiz, təbii ki, hamının yaxşı tanıdığı və bu sahədə öncüllərdən olan illərin təcrübəsi Tural Dadaşovdu. Mən və digər əməkdaşımız Elnur Əliyevin də şərhçilik təcrübəsi var.
Digər suala gəlincə, müsahibənin əvvəlində dediyim kimi, çoxsaylı xahişləri və məktubları nəzərə alaraq yayınla bağlı müraciət etmişik. İnanırıq ki, bu əməkdaşlıq hər iki qurum üçün uğurlu olacaq. Bizimlə əməkdaşlıq etdiyinə görə "Saran Holdinq"ə təşəkkür edirik. Qiymət məsələsinə gəlincə, təbii ki, bu kommersiya sirridi".