"Çox gözəl komandamız və ailəmiz var" - Kadi Borges
“Qarabağ”ın futbolçusu Kadi Borges Konfrans Liqasının qrup mərhələsi çərçivəsində baş tutan “Omoniya” ilə matçdan danışıb.
"Football-plus.az" saytının məlumatına görə, dubl edən braziliyalı qalib gəldikləri görüşdən sonra sosial şəbəkə hesabında paylaşım edib:“Həyatımda başverənlərə görə tanrıya minnətdaram. Bu hissləri sözlə ifadə etmək mümkün deyil. Belə anlar qəlbimə həkk olunur. Çox gözəl komandamız və ailəmiz var”.
Qeyd edək ki, Kadinin "Omoniya" ilə görüşdə vurduğu ilk qol Konfrans Liqasında 2-ci turun ən yaxşısı seçilib.
