Lionel Messi və ailəsi Parisdə problemlə üzləşib.

"Football-plus.az" saytının məlumatına görə, argetinalının yaşadığı "Le Royal Monceau" otelində oğurluq hadisəsi baş verib. Soyğunçular Messi ailəsinə də zərər vurublar. Belə ki, futbolçunun həyat yoldaşının 3 min avro dəyərindəki boyun bağı, bir tayı 500 avro olan sırğaları və 2 min avro nağd pulu oğurlanıb.

Məsələ ilə bağlı Paris polisi tərəfindən cinayət işi başlanılıb. Soyğunçular otağa eyvandan daxil olublar. Lakin onlar təhlükəsizlik kameralarına düşsələr də, kimliklərini müəyyən etmək mümkün olmayıb.

Qeyd edək ki, "Le Royal Monceau" otelində Messini qaldığı otağının 1 gecəlik qiyməti 17 min avrodu.