Federer nə vaxt qayıdacaq?
İsveçrəli tennisçi Rocer Federer korta dönməyi nə vaxta planlaşdırması haqda danışıb.
O, avqustda daha bir diz əməliyyatına razılıq verdiyini, bu üzdən mövsümün qalan hissəsini buraxacağını demişdi: “Daha bir əməliyyata razılıq vermək asan deyildi, çünki ötən il dizimdən bir neçə dəfə əməliyyat olunmuşam. “Uimbldon”dakı durumumdan çox narazıydım. Bütün gücümü sərf etsəm də, yüksək səviyyədən uzaq idim. Korta dönəcəm, amma buna bir neçə ay gedəcək. Gələn il baxarıq, hələ ki tələsmirəm. Hər şeyi düzgün etmək istəyirəm ki, tennisdən sonra həyatdan ləzzət ala bilim. Əslində çətin günlər arxada qalıb, indi vəziyyətim yaxşıdı. Hər şeydən razıyam”.
40 yaşlı Federer “Böyük dəbilqə” turnirlərinin 20 qat qalibidi.
