"Sabah" "Neftçi" veteranlarına jest edib - AÇIQLAMA
Premyer-liqanın 5-ci turunda “Neftçi” səfərdə “Sabah”ı 2:1 hesabıyla məğlub edib, liderlərə “qarmaq atdı”.
Görüşü izləyənlər arasında “Neftçi” Veteranlar İttifaqının rəhbəri Maşallah Əhmədovlə yanaşı, Asif Əliyev, Nurəddin Əliyev və Rafiq Mirzəyev də var idi. Onlar üçün “skay-boks”da yer də ayrılmışdı. Bu məsələ diqqətimizi cəlb etdiyindən flaqmanın Media, Marketinq və İctimaiyyətlə Əlaqələr Departamentinin rəhbəri Rüstəm Allahverdiyevlə əlaqə saxladıq:
“Bakcell Arena”da veteranlar üçün “skay-boks” ayrılıb. Onlar istədikləri vaxt ev oyunlarımızı burda izləyə bilərlər. Lakin səfər görüşlərində ev sahibi komandadan bunu tələb və ya xahiş edə bilmərik. Yəqin “Sabah” bizim veteranlar üçün belə bir jest edib”.
