“Konfrans Liqasının qrup mərhələsində Azərbaycanın “Qarabağ” klubu ilə oyun “Omoniya” üçün çox önəmlidi. Bu rəqib haqda xüsusi izaha ehtiyac yoxdu. Bizi çətin və bir o qədər də maraqlı qarşılaşma gözləyir. “Qarabağ” ilk oyunda “Bazel”lə qarşılaşdı. Qrupun favoritinə çətin anlar yaşadan komanda sürətli futbol oynamağı sevir. Sərt hücumlarla rəqibi çətinə salır. “Yaşıllar”ın oyunçuları rəqiblərinə qarşı xüsusi motivasiyalı oyun göstərməlidilər, ehtiyatlı oynamalıdılar. Qələbə ilə hədəfə doğru bir addım atmalıdılar. Çünki Konfrans Liqasında 1/16 finala yüksəlmək hər iki klub üçün ölkə çempionluğundan daha vacibdi. Heç kim də əksini sübut edə bilməz. Hər iki klub Avropada özünə müəyyən imic yaratmağa çalışır və futbolçuların daha böyük komandalara getməsi üçün belə prinsipal oyunlarda göstərdikləri performans önəm daşıyır. “Omoniya”ya “Qarabağ”la bağlı xüsusi tövsiyyə lazım deyil. Kipr təmsilçiləri bu klubu çox yaxşı tanıyır. Yay aylarında Qurbanovun komandasının burda nələri dəyişdiyini deməyimiz yetərli olar. “Qarabağ”ın futbolçularına nəzər saldıqda İbrahima Vacini görürük ki, bu oyunçu Norveç klubunda 13 oyunda 7 qol vurub. “Omoniya”nın baş məşqçisi Henninq Berq də futbolçunu yaxşı tanıyır və yəqin ki, yaxından təhlil edib”

"İşlər bir az çətindi. İlk çempionat oyunlarında yaxşı çıxış etməyən “Omoniya”da geriləmə və çoxlu zədələr var. İnanıram ki, komanda yaxşı oyun nümayiş etdirəcək. "Qarabağ" la oyunda mütləq qələbə qazanmalıyıq. Bu baş verərsə, inanıram ki, “Omoniya” növbəti mərhələyə keçəcək. Hər şey bu matçdan, bu komandaya qarşı göstəriləcək oyundan aslıdı”.