Cənubi Kiprin nüfuzlu “Kerkida” saytı Qurban Qurbanov haqda xəbər hazırlayıb.
“Football-plus.az” saytının məlumatına görə, ötən ay mütəxəssis və “Qarabağ”la bağlı tənqidi paylaşımlar edən xəbər portalı, təəccüblü olsa da, bu dəfə baş məşqçini tərifləyib. Onlar Qurbanovun rəhbərlik etdiyi komandanın Cənubi Kipr klubları və çalışdırıcılarına qarşı üstün oyun nümayiş etdirdiyini vurğulayıblar. Xəbərin başlığı belədi: “APOEL, AEL, “Omoniya”, “Qarabağ”, Qurbanov və Kipr”.
Qurban Qurbanovla bağlı “Kerkida.net” saytının hazırladığı xəbəri təqdim edirik:
2019-ci il avqustun 6-sı. Çempionlar Liqasının seçmə mərhələsi çərçivəsində “Qarabağ” APOEL-lə üz-üzə gəldi. Qurbanov Lefkoşada Paolo Tramenzaninin komandası üzərində 2:1 hesablı qələbə qazandı. Bir həftə sonra Bakıda qarşılaşdılar. Bu dəfə APOEL-in başında alman Tomas Doll dayanırdı. Cavab matçında təmsilçimiz 2:0 qalib gələrək Qurban Qurbanov və komandasına böyük şok yaşatdı.
Tərəflər 2020-ci ildə Avropa Liqasının qrup mərhələsində də bir-birinə rəqib oldular. İlk görüş Bakıda keçirildi və “sülh”lə başa çatı – 2:2. İkinci oyunda isə təmsilçimiz 2:1 hesabı ilə qələbə qazandı.
Cəmi 1 il keçmədən “Qarabağ” yenidən Kiprə qayıtdı. Bu dəfə onlar Konfrans Liqasının 3-cü təsnifat mərhələsi çərçivəsində Duşan Kerkezin çalışdırdığı AEL-ə rəqib oldular. Qurbanovun komandası oyunun son dəqiqələrində bərabərlik qolunu vuraraq Bakıda vəziyyəti öz xeyrinə dəyişmək üçün əlverişli şans qazandı. İşlər azəri baş məşqçinin isədiyi kimi irəlilədi. “Qarabağ” doğma meydanda AEL-i məğlub etdi.
İndi isə Qurban Qurbanov “Omoniya” və Berqlə üz-üzə gələcək. Təcrübəli mütəxəssisin APOEL-ə qarşı 2 uğursuzluğu və AEL-ə qarşı matçlarda əla oyun nümayiş etdirməsi bu görüşün nəticəsini maraqla gözləməyə sövq edir”.
SƏNƏM FƏRHADOVA
APOEL, AEL, “Omoniya”, “Qarabağ”, Qurbanov və Kipr
“Kiprə səfər edən yenə də Azərbaycanın komandasıdı. APOEL və AEL -dən sonra indi "Qarabağ" ın rəqibi “Omoniya”dı. Qeyd etmək istəyirik ki, azərilər 2008-ci ildən eyni baş məşqçi ilə çalışırlar. Artıq bir çoxumuz onu tanıyırıq. Söhbət Qurban Qurbanovdan gedir. O, yenidən Kipr komandasına rəqib olur. 50 yaşlı mütəxəssis üçün cümə axşamı “Omoniya” ilə görüş onun Kipr klublarına qarşı son 2 ildə keçirəcəyi 7-ci oyun olacaq. İndi isə Qurbanovun keçmişdə təmsilçilərimizlə nə etdiyinə nəzər salaq...
