İlqar Rəhimov yenidən Milli Paralimpiya Komitəsinin (MPK) prezidenti seçilib.

“Football-plus.az” saytının məlumatına görə, bu gün MPK-nın video-konfrans vasitəsilə ümumi yığıncağı keçirilib.

Tədbirdə Tokio Yay Paralimpiya Oyunlarının mükafatçıları quruma üzv seçilib. Təşkilati məsələlərə də baxılıb.

MPK-nın üzvlərinin səsverməsi nəticəsində İlqar Rəhimov yenidən komitənin prezidenti seçilib. İlham Zəkiyevlə Yaşar Hacıyev vitse-prezident, Kamal Məmmədov isə baş katib vəzifəsində işinə davam edəcək.

Yığıncaqda MPK-nın İcraiyyə Komitəsinin tərkibi də təsdiq olunub:

1. Rəhimov İlqar Elxan oğlu – MPK-nın prezidenti, İcraiyyə Komitəsinin sədri
2. Zəkiyev İlham Əzizağa oğlu – MPK-nın vitse-prezidenti, İcraiyyə Komitəsinin üzvü
3. Hacıyev Yaşar Fərəc oğlu – MPK-nın vitse-prezidenti, Sumqayıt Paralimpiya İdman Komitəsinin direktoru, İcraiyyə Komitəsinin üzvü
4. Məmmədov Kamal Cabir oğlu – MPK-nın baş katibi, İcraiyyə Komitəsinin katibi
5. Sultanova Afaq Vaqif qızı – cüdo üzrə paralimpiya çempionu, İcraiyyə Komitəsinin üzvü
6. Kərimova Vüsalə Akif qızı – “Əlil İdmançılara dəstək” İB-nin baş katibi, İcraiyyə Komitəsinin üzvü
7. Sadıqov Sadıq Asəf oğlu – “Neftçi” İK-in icraçı direktoru, İcraiyyə Komitəsinin üzvü
8. Məmmədov Aydın Ağa oğlu – Gənclər və İdman Nazirliyinin sektor müdiri, İcraiyyə Komitəsinin üzvü
9. Behbudov Vüqar Şəfa oğlu – Sosial Xidmətlər Agentliyinin İdarə Heyətinin sədri, İcraiyyə Komitəsinin üzvü
10. Kərimov Mehman Bayram oğlu – Milli Olimpiya Komitəsinin şöbə müdiri, İcraiyyə Komitəsinin üzvü
11. Zeynalova Afaq Şakir qızı – Qış İdman Növləri Federasiyasının İctimaiyyətlə Əlaqələr şöbəsinin müdiri, İcraiyyə Komitəsinin üzvü