Sərlövhə sizi çaşdırmasın. Söhbət Kamerun yığmasının sabiq hücumçusu Samuel Eto’Odan deyil, onun oğlundan gedir.

Etyen bundan sonra Portuqaliyada çıxış edəcək. O, “Gimaraynş”la müqavilə bağlayıb. Klubun rəsmi saytının məlumatında 19 yaşlı hücumçunun əvvəlcə U-23 komandasında oynayacağı bildirilir.

Qeyd edək ki, Etyen bundan əvvəl İspaniyanın “Malyorka”, “Ovyedo” və “Atletiko Baleares” klublarının müxtəlif yaş qrupları üzrə komandalarında top qovub.

Onun dünya şöhrətli atası Samuelin karyerasını 2019-cu ildə başa vurduğunu xatırladaq. Adını Kamerun futbolunun tarixinə böyük hərflərlə yazan məşhur hücumçu futbolçu həyatını bir çox klublarla yanaşı, “Real”, “Barselona”, “İnter” və “Çelsi” kimi aparıcı klublarda da keçirib.