Putin “daha bir mundial” deyir
Vladimir Putin dünən keçirilən "Formula-1" yarışını hadisə yerindən izləməmək qərarına gəlib.
Rusiya Federasiyasının prezidenti Soçi "Qran-pri"sində özünütəcrid rejimində olması səbəbindən iştirak etmir.
Dövlət başçısı yaxın ətrafında COVID-19-a yoluxma baş verməsinə görə sentyabrın 14-dən özünütəcrid rejimində yaşayır.
Qeyd edək ki, Putin son illər Soçi "Qran-pri"sini bir qayda olaraq yaxından izləyirdi.
Yeri gəlmişkən, o, Dövlət Dumasında təmsil olunan partiya liderləri ilə son görüşündə maraqlı fikir səslndirib. Putin Rusiyanın futbol üzrə daha bir dünya çempionatını təşkil etməsini istəyir. Xatırladaq ki, önun ölkəsi 2018-ci ildə baş tutan son mundialın təşkilatçısı olmuşdu: “Bir neçə il əvvəl futbol üzrə dünya çempionatı ölkəmizdə keçirilib. Özü də bu turniri ən yüksək səviyyədə təşkil etmişik. Gəlin, daha bir dünya çempionatını keçirməyin mümkünlüyü haqda düşünək”.
