Bədəlov səhvini gec başa düşdü - AÇIQLAMA
Premyer-liqanın 4-cü turunda, “Qarabağ” - “Sumqayıt” görüşünün 42-ci dəqiqəsində Filip Ozobiç penaltidən fərqlənərək hesabı açdı.
11 metrlik cərimə zərbəsinin vurulmasına səbəb ayağının büdrəyən Elvin Bədəlovun Musa Qurbanlıya qarşı kobud oynaması oldu. Əldə etdiyimiz məlumata görə, fasilədən sonra müdafiəçi butslarını dəyişərək meydana çıxıb.
Həm informasiyanı dəqiqləşdirmək, həm də nə üçün bu addımı atdığını öyrənmək üçün Elvin Bədəlovla əlaqə saxladıq: “Bəli, fasilədə butslarımı dəyişdim. Oyundan əvvəl məşqdə hər şey qaydasında idi. Düzdü, butslarımın altı dəmir şipli idi. Yəni normal idi. Amma həmin epizodda ayağım büdrədi. Meydan yumşaq idi deyə belə hadisə yaşandı. Bu səbəbdən də butslarımı dəyişdim. Çünki yenisinin uzun şipləri var idi. Burda qəribə nəsə yoxdu. Sadəcə, çox şürüşürdü deyə belə qərar verdim”/
İLKİN SULTANLI
