Gənclər və idman naziri Fərid Qayıbov bu gün Azərbaycan Güləş Federasiyasının (AGF) fəaliyyəti ilə tanış olub.

“Football-plus.az” saytının məlumatına görə, nazir tanışlıq zamanı idmançıların məşq prosesini izləyib, onlar üçün yaradılan şəraitlə tanış olub. Daha sonra Qayıbov federasiyanın maddi-texniki bazasına baxış keçirib.

AGF-nin prezident əvəzi, Dünya Güləş Birliyinin Büro üzvü Namiq Əliyev nazirə federasiyanın fəaliyyəti, yerli və beynəlxalq səviyyəli yarşlara hazırlıq, gənc idmançılarla işin qurulması, çətinliklər, gələcək planlar haqda məlumat verib. Qeyd olunan məsələlər ətrafında fikir mübadiləsi aparılıb.

Görüşdə sərbəst güləş millimizin baş məşqçisi Namiq Abdullayev, Bakı şəhəri Gənclər və İdman Baş İdarəsinin rəisi Raqif Abbasov və AGF-nin baş katibi Orxan Məmmədov iştirak edib