Premyer-liqanın 4-cü turunda yenə hakimlər diqqət mərkəzində oldular.

Bəziləri yaxşı, bəziləri zəif idarəçiliklə həm mediada, həm də sosial şəbəkələrdə müzakirə mövzusuna çevrildilər.

Ümumiyyətlə, 4 qarşılaşma ərzində hakimlər futbolçulara 24 vərəqə göstərdilər. Bunlardan 23-nün rəngi sarı, 1-i qırmızı oldu. Həftənin ən centlmen komandası "Neftçi"di. "Ağ-qaralar"ın heç bir futbolçusu vərəqə görmədi. Turun ən kobud komandası isə "Səbail" oldu. "Dənizçilər" 4 sarı, 1 qırımızı vərəqə ilə bu “nöminasiyada” rəqiblərini qabaqladı.

Reportyorlarımızın qeydlərinə keçid alaq.

RAUF ALLAHVERDİYEV, Qəbələ - Səbail
Ədalət təmsilçiləri Qəbələdəki qarşılaşmanı ciddi səhvə yol vermədən idarə etdilər. Rauf Allahverdiyev meydanda qətiyyətli görünür, köməkçiləri ilə yaxşı anlaşırdı. Utziq 46-cı dəqiqədə qapıçıyla təkbətək çıxarkən hakimlər oyundankənar vəziyyət qeydə aldılar. “Qəbələ” tərəfi topun Rövlanın ayağından çıxarkən “Səbail”in oyunçusuna dəydiyini iddia edib, bu qərarla razılaşmadı. Asif Məmmədovun cərimə meydançasının xətti üzərində yerdə qaldığı epizodda da meydan sahibləri penalti tələb etsələr də, Allahverdiyev haqlı olaraq qayda pozuntusunu cərimə zərbəsi kimi qiymətləndirdi.

İNQİLAB MƏMMƏDOV, Zirə - Sabah
Görüş hakimlər briqadası üçün yaxşı başlasa da, pis bitdi. İnqilab Məmmədov ilk dəqiqələrdən oyuna nəzarəti ələ almağa çalışdı, amma alınmadı. İlk səhv 14-cü dəqiqə baş verdi. Oçiqava Təmkinə qarşı sərt oynadı, referi isə oyunu davam etdirdi. Rəşad Sadıqov da bu epizodda 4-cü hakimə sərt şəkildə etirazını bildirdi. Təkrara baxdıqda deyə bilərik ki, hakim oyunu dayandırmalı və ukraynalını 2-ci sarı vərəqə ilə cəzalandırmalı idi. İnqilab Məmmədovun komandası kobud səhvlərlə yadda qaldı. 82-ci dəqiqədə top “Sabah”ın futbolçusundan yan xətdən çıxdığı halda hakim küncdən zərbə qeydə aldı. Epizodun davamında isə aləm bir-birinə dəydi. Künc zərbəsindən Kamaranın ötürdüyü topu Periçiç başla tora qovuşdurdu. Xorvatiyalı müdafiəçi qapıçıya toxunaraq qaydanı pozsa da, hakim mərkəzi göstərdi. Epizodun təkrarına baxanda, topun heç “Zirə”li futbolçulardan çıxmadığı da aydın görünür. Etirazlara baxmayaraq, İnqilab Məmmədov qolu qeydə aldı. Qol vurularkən Təmkin topu onun əlindən alan Sebalyosa təpik atsa da, hakim epizodu görməzdən gəldi. Bu olanlardan sonra deyə bilərik ki, Məmmədov və briqadası qarşılaşmanın öhdəsindən gələ bilmədi.

ELÇİN MƏSİYEV, Neftçi – Keşlə
Meydanda gərgin mübarizə yaşansa da, futbolçular kobud oyundan çəkinirdilər. Bu isə hakimlərin işini asanlaşdırırdı. Məsiyev yetərincə qətiyyətli idi. Epizodlara yaxın olması isə fiziki hazırlığının qaydasında olduğuna işarədi. 90 dəqiqə ərzində üç dəfə sarı vərəqə üçün əlini cibinə atdı. Hər üç halda “Keşlə”nin futbolçularını cəzalandırdı ki, qərarları narazılıq doğurmadl. “Neftçi”nin 3-cü qolu zamanı da topun qapı xəttini keçdiyini dəqiq müəyyənləşdirib, mərkəzi göstərdi. Bunda ona dərhal bayrağını yuxarı qaldıran köməkçisinin də köməyi dəydi. Laysmanlar da şübhələrə yol açan qərarlarla diqqəti çəkmədilər. Məsiyevin yalnız bir qüsurunu qeyd etmək mümkündü. Bir epizodda “Neftçi”nin futbolçusuna qarşı kobudluq olan kimi fitini səsləndirdi. Halbuki “ağ-qaralar” sürətli əks-hücum şansı yaxalamışdı. Yəni oyunu davam etdirmək daha düzgün olardı.

KAMAL UMUDLU, Qarabağ - Sumqayıt
Görüşdə sürət o qədər yüksək olmadığından hakimin üzərinə çox yük düşmədi. Sadəcə, laysman Müslüm Əliyev qarşılaşmanın əvvəllərində iki yanlış qərarla yadda qaldı. Həmin epizodlarda Qurban Qurbanov özündən çıxaraq əsəbləşdi. Dəqiqələr ötdükcə Müslüm Əliyev də özünü toparladı. Bununla da oyunun sonuna kimi hakimlər briqadası qarşılaşmanı normal idarə etdi.


Son xəbərlər

Braziliya Xorvatiyanın rəqibi oldu - YENİLƏNİB

"Sabah"ın futbolçusu karyerasını Türkiyədə davam etdirəcək? - Meneceri açıqladı

Alisson üçün ilk

Xorvatiyanın qeyri-adi seriyası davam edir

"O, sualı verdiyim anda üzümə zərbə endirdi" - Sebalyosla Kamran arasında niyə dava düşüb?

Azərbaycan çempionatının qarışıq komanda yarışlarına yekun vuruldu

Xorvatiya 1/4 finala belə yüksəldi - VİDEO

"Ştutqart"da yeni baş məşqçi

"Neftçi-2"dən minimalhesablı qələbə - VİDEO

DÇ-2022-də ilk

Perişiç 2-ci pilləyə yüksəldi

Lökbatanda 3 qol - VİDEO

FİFA Serbiyaya qarşı iş açıb

"Qarabağ"la oyunda son illərin ən zəif və aciz "Neftçi"sini izlədik"

"Araz Naxçıvan"dan səfər qələbəsi - VİDEO

İspaniya millisində ayrılıq

"Advokat" beynəlxalq turnirdə iştirak edəcək

Portuqaliyalılar Ronaldonu istəmirlər

Mahmud Qurbanovdan odlu-alovlu açıqlamalar: "Bizim komandanı "sındırırlar"

"Zaqatala" son dəqiqə qolu ilə büdrədi - VİDEO

Yuri Tielemans İspaniya nəhənginin hədəfində

"Azərreyl" oyunları ölkə xaricində keçirəcək

"Qaradağ Lökbatan" və "Araz Naxçıvan"dan qələbə

"Real"ın sabiq yarımmüdafiəçisi ilə Azərbaycan klubu maraqlanır

İspaniya mətbuatı Ronaldonun yeni klubun adını açıqladı

Lebron Ceymsdən Devisə tərif

Voleybolçumuz Macarıstanda ən yaxşı seçildi

Qapko Avropa nəhənglərinin hədəfində

Azərbaycan derbisinə fərqli baxış

İdman hüquqşünası: "Qarabağ"ın azarkeşlərinin məsuliyyətə cəlb olunması əsassızdı"

"Kimsə Ronaldonun yanında öskürdü deyə penalti təyin etdilər"

FIFA DÇ-2026 üçün variant düşünür

Xəzər dənizində avarçəkmə üzrə ilk test yürüşləri keçirildi

"Sumqayıt"ın 197 günlük həsrəti başa çatdı

"Neftçi" ilə oyun Zubir üçün əlamətdar olub

Ayaz Quliyevlə bağlı "Neftçi"ni sevindirəcək XƏBƏR

"Mbappe ilə oynamaq ləzzətlidi" - Jiru

Rapid yarışının qalibləri məlum oldu

Rahid Əmirquliyev adını "Səbail"in tarixinə yazdırdı

3 matça təcili tibbi yardım gecikdi, klublar cəzalandı

Ölkə kubokunun sahibləri müəyyənləşib

"Neftçi" - "Qarabağ" matçı bu göstəriciyə görə mövsümdə ikinci oldu

Bütün xəbərlər