Rusiyalı məşqçi "feysbuk"u şikayət etdi
"Rotor"un baş məşqçisi Dmitri Xoxlov "feysbuk" şirkətini məhkəməyə verib.
"Football-plus.az" saytının məlumatına görə, bu haqda mütəxəssis "Oktaqon" nəşrinə açıqlamasında deyib.
Baş məşqçi sosial şəbəkələrdə soyadının bloklanmasına görə, belə bir addım atdığını bildirib:"Buna görə də nə mən, nə də dost-tanışlarım "feysbuk" və "instaqram"dan normal istifadə edə bilirik. Çox adam mənə zəng edib deyir ki, soyadın istənilən xatırlatmada bloklanır. Onların hesabına isə 1 həftəlik qadağa qoyulur. Bundan ilk dəfə iyulun sonunda xəbərimiz oldu".
46 yaşlı çalışdırıcı artıq məhkəməyə müraciət etdiyini bildirib. "Feysbuk"un qadağasına səbəb isə məşqçinin soyadının "xoxol" sözünə bənzərliyidi. Problem yaradan bu söz Vladimir Dalın izahlı lüğətində "ukraynalı", "kiçik rusiyalı" kimi qeyd edilib.
Sosial şəbəkə rəhbərliyi düçünür ki, bu, siyasi cəhətdən yanlış olan "zənci" sözü ilə müqayisə olunur.
