Bildiyiniz kimi, “Formula-1” üzrə dünya çempionatının cari mövsümündə “Mersedes” və “Red Bull” pilotları arasında amansız titul mübarizəsi gedir.

“Red Bull”un məsləhətçisi Helmut Marko OE24-ə verdiyi müsahibədə həm Montsada yaşanan qəzadan, həm də “Mersedes”lə qarşıdurmadan danışıb.

- İtaliyadakı qəzaya görə hələ də qəzəblisiz?

- Mən yalnız uğursiz pit-stopumuza görə acıqlıyam. Hemiltonun Ferstappenə yaxınlaşa bilməsinin yeganə səbəbi budu. Adi yürüş insidenti idi, bütün qalan şeylər “Mersedes”in uydurmasıdı. Hemilton maşını arxaya verib trassa dönməyə çalışanda Ferstappen artıq mübarizədən çəkilmişdi. Tibb maşınının sürücüsü bunu gördü və aralandı. Amma sonra “Mersedes”dəkilər Hemiltonun zədəsindən danışmağa başladılar.

- Toto Volffun o fikri ilə razısız ki, Halo müdafiəsi Hemiltonun həyatını xilas edib?

- Əvvəllər mən bu yöndə bədbin düşünürdüm. Ancaq indi etiraf etməliyəm ki, yanıq hadisələrində olduğu kimi, Hali yenə də hər şeyin belə uğurlu bitməsində həlledici rol oynadı.

- Ferstappenin üç mövqe geridən start götürməsi ilə bağlı cəza ədalətlidimi?

- Bu cəza məni o qədər də məyus etmədi. Hərçənd yenə də deyirəm ki, o toqquşma adi yarış insidenti idi.

- Teleyayın zamanı gördük ki, boksda sizlə söhbət edən Ferstappen nədənsə məyusdu. Pilotunun nə haqda danışırdı?

- Deyirdi ki, Lüis ona yer saxlamayıb. Və pit-stopda başverənlərlə maraqlanırdı.

- Volff iddia edir ki, Ferstappen bilərəkdən Hemiltonu mübarizədən çıxarıb, yəni britaniyalı ondan aralana bilməsin...

- Boş sözdü. “Mersedes”in bunun üçün, sadəcə, sürəti çatmadı.

- Volff onu da deyir ki, bundan sonra “Mersedes”in yenilikləri olmayacaq.

- Onların heç bir sözünə inanmıram.

- Titul uğrunda mübarizə baxımından vəziyyət necədi?

- İndi beş xal irəlidə olmağımız heç bir əhəmiyyət daşımır. Mübarizə son ana qədər davam edəcək.