İngiltərə futboluna ağır itki üz verib.

"Football-plus.az" saytının məlumatına görə, ölkə yığmasının sabiq oyunçusu Cimmi Qrivz dünyasını dəyişib.

Futbol veteranı bu gün 81 yaşında vəfat edib. Əsasən “Çelsi” (1957-61) və “Tottenhem” (1961-70) klublarındakı möhtəşəm çıxışı ilə məşhurlaşan sabiq hücumçu 6 dəfə ölkə çempionatının ən yaxşı bombardiri olub ki, bu göstəriciyə əsasən rekordçudu. Qrivz İngiltərənin 1-ci divizionunda vurduğu 357 qolla da rekordun sahibidi. Bundan başqa, ağ-qara formasında keçirdiyi 379 oyunda 266 qol vurmaqla “Tottenhem” tarixinin ən yaxşı bombardiridi. Onun 1966-cı ildə sıralarında dünya çempionu olduğu, 1968-cı ildə isə Avropa çempionatının bürünc medalını qazandığı milli komandada (1959-67) 57 oyuna 44 qol vurduğunu da xatırladaq.