Çempionlar Liqasında həftənin ən yaxşı futbolçusu adına namizədlər müəyyənləşib.

UEFA-nın saytının yaydığı məlumatda fərdi mükafata 4 namizədin seçildiyi bildirilib.

Nominantlar sırasına Dortmund “Borussiya”sının “Beşiktaş” üzərindəki qələbəsində (2:1) bir qol və məhsuldar ötürmə ilə rol oynayan yarımmüdafiəçisi Cud Bellingem, “Barselona” ilə matçda (3:0) dubl edən “Bavariya”nın hücumçusu Robert Levandovski, “Sportinq”in (5:1) qapısından 4 top keçirən “Ayaks”ın hücumçusu Sebastyen Halle və “Mançester Siti” ilə matçda (3:6) het-trik müəllifi olan “Leyptsiq”in xavbeki Kristofer Nkunku düşə bilib.

Qrup mərhələsinin ilk turunun ən yaxşı oyunçusu azarkeşlər arasında UEFA-nın saytında keçirilən səsvermə nəticəsində müəyyən ediləcək.