"Qarabağ" Konfrans Liqasının qrup mərhələsinin 1-ci turunda "Bazel"i qəbul edəcək.

"Football-plus.az" saytının məlumatına görə, Bakı Olimpiya Stadionunda baş tutacaq mətbuat konfransları və açıq məşqlərin tarixi bəlli olub. "Köhlən atlar"ın baş məşqçisi Qurban Qurbanov media mənsublarının önünə sentyabrın 15-də, saat 17.00-da çıxacaq. 17.30-da isə media nümayəndələri üçün komandanın açıq məşqi olacaq.

Həmin gün 19.30-da "Bazel"in baş məşqçisi Patrik Rahmenin mətbuat konfransı, 20.00-da isə komandanın açıq məşqi baş tutacaq.

Qeyd edək ki, "Qarabağ" - "Bazel" qarşılaşması sentyabrın 16-da, saat 20.45-də start götürəcək.