Konfrans Liqasının qrup mərhələsinin 1-ci turunda baş tutacaq "Qarabağ" - "Bazel" oyununun təyinatları açıqlanıb.

"Football-plus.az" saytının məlumatına görə, görüş Belçikadan olan hakimlər briqadasına tapışırılıb.

Qarşılaşmanı FIFA referisi Erik Lambrexts idarə edəcək. Onun köməkçiləri Rin Fanizere və Yo de Veyrdt olacaq. Dördüncü hakim funksiyasını isə Vim Smet yerinə yetirəcək.

Qeyd edək ki, sentyabrın 16-da Bakı Olimpiya Stadionunda oynanılacaq "Qarabağ" - "Bazel" görüşü saat 20.45-də başlayacaq.