Nəhayət, David Luis özünə yeni iş yeri tapıb.

"Football-plus.az" saytının məlumatına gprə, o, 15 ildən sonra vətəninə qayıdıb.

Bu yay “Arsenal”ı tərk edən təcrübəli futbolçu azad agent kimi “Flamenqo” ilə anlaşıb. 34 yaşlı müdafiəçinin Braziliya klubu ilə bağladığı müqavilənin müddəti 2022-ci ilin sonuna qədər nəzərdə tutulub. Peşəkar karyerasına 2006-cı ildə yetirməsi olduğu “Vitoriya”da başlayan David Luis bu komandada bir il top qovandan sonra Avropaya yollanıb.

Qeyd edək ki, “Benfika”, “Çelsi” və PSJ-nin formasını geyən braziliyalı “Arsenal”da 2019-cu ildən çıxış edirdi.