İngiltərə premyer-liqasında çıxış edən braziliyalı futbolçular çempionat oyunlarında meydana çıxa bilər.

"Football-plus.az" saytının məlumatına görə, FİFA 8 oyunçuya qoyduğu qadağanı götürüb.

Həmin futbolçulara verilən 5 günlük cəza ləğv edilib. Buna Braziliya, Çili, Meksika və Paraqvay futbol federasiyalarının şikayətlərini geri götürməsi səbəb olub.

Qeyd edək ki, FİFA oyunçularını milliyə göndərməkdən imtina edən “Mançester Yunayted”, “Mançester Siti”, “Çelsi”, “Liverpul” və “Lids”in futbolçularına qarşıdakı 5 gündə meydana çıxma qadağası qoymuşdu.