Kriştiano Ronaldo 12 illik fasilədən sonra MY-nin Karrinqtondakı bazasına döndü. Hələ ötən həftə Mançesterə gedən portuqaliyalı karantin dövrünü arxada qoyandan sonra köhnə-yeni komandası ilə ilk məşqə çıxdı.

Təbii ki, əvvəlcə baş məşqçi Ole-Qunnar Sulşer ilə görüşdü. Vaxtilə onlar birlikdə hücum xəttində görünmüşdülər – MY-də 32 oyun. İndi isə “Yunayted”i yeni qələbələrə daşımalıdılar.

Bildiyiniz kimi, İrlandiya ilə oyunda vurduğu qoldan sonra maykasını çıxardığına görə sarı vərəqə alıb cəzalı duruma düşən Kriştiano bununla da Mançesterə planlaşdırılandan tez yollanmaq imkanı qazanıb. Hava limanında onu klubun texniki direktoru Darren Fletçer qarşılayıb. MY-nin saytına inansaq, Kriş inadla məşq edib, çoxlu su içib və tər töküb. Yeri gəlmişkən, biz indi dəqiq bilirik ki, ulduz peyvənd olunmayıb. İş ondadı ki, Ronaldo Mançesterə “narıncı” siyahıda olan Portuqaliyadan uçub. Tam peyvənd olunan gəlmələr üçün bir qayda var – koronavirus testi vermək. Peyvənd olunmayanlar üçün 10 günlük karantin nəzərdə tutulur ki, əlavə testin pulunu ödəməklə bu müddəti 5 günə endirmək olar. MY hökumətə Ronaldo üçün karantin müddətini daha da azaltmaq xahişi ilə üz tutsa da, imtina cavabı alıb. İndi hesablayaq: Kriş İngiltərətə sentyabrın 2-də uçub, 7-də isə məşqə çıxıb, yəni 5 gün ötəndən sonra.

Sarı vərəqə cəzası olmasaydı, Ronaldo karantinə 5 gün gec oturacaq və belədə “Nyukasl”la sentyabrın 11-də keçiriləcək oyuna yetişməyəcəkdi. Ancaq indi onu yaşıl meydanda görə bilərik.

Belə görünür ki, bu ani keçidin baş tutması üçün Aleks Ferqyusonla yanaşı, Sulşer də çox iş görüb. “The Athletic” yazır ki, məhz baş məşqçi danışıqlara xeyir-dua verib, çünki klubun əfsanəsini MS-də görmək istəməyib. Sulşer Ed Vudvorda zəng edərək soruşub ki, klub bu yolda nəsə edə bilərmə - məhz ondan sonra MY Ronaldonun agenti ilə təmasa keçib.

Sulşer artıq çoxdan portuqaliyalının MY-yə dönüşündən danışırdı. Özünüz mülahizə yürüdün.

• Martda klubun mətbuat xidmətinə müsahibə verən norveçli “Yunayted”in iki sabiq oyunçusunu – Ronaldo ilə Roy Kini almağı arzulamışdı:

“Əlbəttə, bir neçə sabiq həmklubum var ki, onları çalışdırmaq istərdim. Heyətdə Roy Kinin olmasını istərdim, hərçənd əmin deyiləm ki, onun öhdəsindən gələrdim. Onu hər an komandama götürərdim. Roy kollektivə ciddi təsir edirdi. Daha bir belə futbolçu Kriştianodu. Lionel Messi ilə birgə son 10-15 ilin ən yaxşı futbolçusudu. Odu ki, Kriştianonu dəqiq seçərdim”.


• “The Athletic” mayda yazırdı ki, baş məşqçi Kriştiano ilə müntəzəm əlaqə saxlayır və onunla MY-yə mümkün dönüşünü müzakirə edir. Ümumiyyətlə, Sulşerin təyinatından ötən müddətdə Ronaldo gözəgörünməz adam kimi həmişə klubun həyatında iştirak edib. Məsələn, Sulşer Bruno Fernandeşin transferindən əvvəl Krişlə məsələhətləşdiyini deyib, həmçinin Marsyal ilə Reşfordun Ronaldo səviyyəsinə qalxa biləcəyindən danışıb. Ümumiyyətlə, Sulşerlə Ronaldonun münasibətlərindən daha geniş bəhs etməyə dəyər.

Ronaldonun “Yunayted”ə gəldiyi 2003-də Sulşer artıq 6-cı mövsümünü keçirirdi. Yeniyetmə portuqaliyalı norveçliyə belə təsir bağışlamışdı:

“O çox qapalı idi, döşəməyə baxıt, asta danışırdı. Kriştiano həyəcanlanırdı, ancaq biz onun durumunu anlayırdıq. Ferqyuson bizdən ona göz qoymağı xahiş etdi. Ronaldonun ən yaxın dostu olmasam da, bəzən ona yardım edirdim”.


Ancaq tezliklə aydın oldu ki, yeniyetmənin təvazökarlığı müvəqqətidi. MY-nin akademiyasının sabiq oyunçusu Mads Timm “Red Devil” kitabında xatırlayır ki, Kriş bəzən Sulşerlə Nevilli hədsiz əsəbləşdirirmiş:

“Yenicə kluba gələndə onu da mənim kimi zəhərləyirdilər. Ona əsasən saç düzümünə və məşqçinin gözünə girmək cəhdinə görə lağ edirdilər. Kriş 10-15 addım atmaqla yerinə dayana və yalnız ondan sonra driblinq etməyə çalışa bilərdi. Belədə Nevill ilə Silşer onun üzərinə qışqırırdılar: “Dərhal ötürmə ver, lənətə gələsən”.


Ancaq Sulşer həqiqətən Ronaldoya yeni şəraitə uyğunlaşmaqda kömək edib – agenti vasitəsi ilə portuqaliyalıya ingilis dili üzrə repetitor tapıb (yarım ildən sonra Kriş artıq bu dildə danışırdı), ticarət mərkəzlərini gəzdirib və Mançesteri tanıdıb.

Sulşer 2017-də həmin vaxtı belə xatırlayırdı: “Ronaldo indi gözəl saç düzümü və ağ dişləri olan dəbli oğlandı. Ferdinand 2003-də Krişdən soruşdu ki, hansı fermada geyinirsən? Ronaldo incikliyini üzə vurmadı, amma mən bunu gördüm. Bir ildən sonra o artıq komandanın sərt yumoruna öyrəşmişdi”.
Ronaldo “Yunayted”də inadla öz üzərində çalışır, oyundaşları ona yardım edirdi. Kriş möhkəm Ueyn Runi ilə güc mübarizəsini məşq edir, Sulşerlə Ferqyusonun tələbləri haqda danışırdı. Ole və Kriş daim taktikanı müzakirə edir və zərbələri yaxşılaşdırmaq üçün tez-tez məşqdən sonra yubanırdılar:

“Krişlə paltardəyişmə otağında olmaq sevindiricidi. O, həmişə gülür və xoşbəxt olduğunu göstərir. Hücumu gözəl tamamlayır, elə asmalar edir ki, hücumçuya, sadəcə, başını topa toxundurmaq qalır. İş ondadı ki, Ronaldo daim məşq edir. Hər məşğələdən sonra yarım, bəzən hətta 1 saat meydanda qalır. Bəzən elə olur ki, onu hədsiz çox məşq etdiyini düşünürəm. Şəxsən mən bu yaşda buna qadir deyiləm”.



Sulşerlə Ronaldo birlikdə 4 il “Yunayted”in şərəfini qoruyub, bu müddətdə 32 oyuna eyni anda çıxsalar da, yalnız 1 qolu birgə yaradıblar. 2006-nın dekabrında MY “Ridinq”i qəbul edəndə Kriş sol cinahdan asma edib, Sulşer başla qol vurub:

“Kriştiano ilə oynayarkən futbol eşqi ilə alışıb-yandığını görürdüm. O, dünyanın ən yaxşısı olmaq istədi və özü ilə hədəfi arasında kimsənin dayanmasına imkan vermədi. Bu məqam xarakteri haqda çox şeyi anladır. Ronaldo mental baxımdan çox güclüdü. Bəlkə də böyüdüyü mühit onu uğur acı edib. Ronaldo oynadığım futbolçular arasında ən yaxşısıdı”.


Zədə üzündən 2007-də karyerasını bitirən Sulşer MY-də hücumçularla işləyən məşqçi olub. Norveçli karyerasının həmin dönəmini belə xatırlayır:

“Düşünürəm ki, oyunçulara imkanlarının maksimumuna çatmaqda yardım edəcəyimi bilirdim. Heç vaxt ən sürətli, ən güclü və ən hündür olmamışam, odu ki, ağılla hərəkət etmək lazım gəlib. Ueyn və Kriştiano hər dəfə topu bir kənara atıb, müdafiəçinin ayaqları arasından keçirəndə, belədə qapıçını da işsiz qoyanda uşaqlarımın çiynindən itələyir və deyirdim ki, onlara bunu atanız öyrədib”.


2008-də Ronaldodan məşqçi Sulşer haqda nə düşündüyünü soruşanda diplomatik tərzdə cavab vermişdi:

“O, çox yaxşıdı. Mən Oleyə ilk növbədə məşqçi yox, insan kimi baxıram. Gözəl adamdı, münasibətlərimiz əladı”.


Maraqlıdı, görəsən, portuqaliyalı indi nə fikirləşir?

Son xəbərlər

"Yuventus" futbolçusunu satdı

Super Liqada mövsümün püşkü atıldı

Premyer-liqa klubunda yeni müqavilə

Teymur Rəcəbov son görüşdə qələbə qazandı

"Çox çətin olacaq" - Qurban Qurbanov

"Trabzonspor" premyer-liqa klubundan futbolçu transfer etdi

“Neftçi”yə qarşı oynamaq mənim üçün asan deyildi" - Rəhman Hacıyev

"Marsel"in yeni baş məşqçisi məlum oldu

"Lex" "Qarabağ" kimi komandalardan qorxmamalıdı" - Jezniçak

Dadaşov "Vulverhempton"la məşqlərə başladı

"Burada yaxşı qollar vurmuşam" - Ağabala Ramazanov

"Qəbələ"nin rəqibi "Real Sosyedad"ın futbolçusunu heyətinə qatdı

"Barselona"növbəti transferini açıqladı

Elmar Baxşıyev “Fehervar”la bağlı ətraflı bilgiyə malik deyil - MÜSAHİBƏ

Kataloniyalılar La Liqaya ...itlə gəlir

Bu məqam "Qarabağ"ın oyununa gələn azarkeşlərin sayına təsir edə bilər? - AÇIQLAMA

Elnur Allahverdiyev: "Qarabağ”ın olduğu yerdə “Neftçi”nin ikinci pillədə qərarlaşması yaxşıdı” - MÜSAHİBƏ

"İndi daha güclüyük" - "Lex"in kapitanı

"Çempionlar Liqasında zəif məşqçi yoxdu" - "Lex"in baş məşqçisi

Ten Haq Ferqyusonun yolu ilə gedir

Tofiq Bəhramovun ruhu şad oldumu? - KÖŞƏ

"Zirə"də növbəti ayrılıq

Həvəskarlar arasında turnir keçirilir

"Neftçi" daha bir israilli futbolçunu transfer edir - İDDİA

Premyer-liqa klubu qazax və avstriyalı futbolçunu baxışa dəvət edib - ÖZƏL

"Qarabağ" azarkeşlərinə müraciət etdi

"Sumqayıt" yeni transferinin müqaviləsinin detallarını açıqladı

"İdman saytları olduqca fəaldırlar" - MEDİA-nın icraçı direktoru

Emil Balayevin Qazaxıstan macərası alınmadı

Daha bir rumın mütəxəssis Azərbaycana gəldi

AFFA "Zirə"nin şikayətini təmin etmədi

Çempionlar Liqasında Azərbaycan təmsilçisi bu klubla qarşılaşmayacaq

"Neftçi" gürcüstanlı müdafiəçinin müqaviləsinin detallarını açıqladı

Bu futbolçu "Sumqayıt"ın tarixinə düşdü

"Feyenoord"un sabiq üzvü Azərbaycan klubunun hədəfində

Millimiz Belarusda hazırlıq keçəcək

Azərbaycan klubu məşqə çıxan futbolçular üçün qurban kəsdi - VİDEO

"Qarabağ"ın oyununda anşlaq olacaq

"Kəpəz" Bakıda məsələlərə başladı

Gürcüstan millisinin üzvü rəsmən "Neftçi"də

Yığmalarımızın rəqibləri bilindi

Ceyhun Haşımov: “10 il əvvəl gənc hakimlərlə dil tapmaq daha asan idi” - LAYİHƏ

Yeni FIFA prezidenti bu tarixdə seçiləcək

Maldininin aqibəti müəyyənləşdi

"Sumqayıt" bu futbolçunu yola saldı, yerinə portuqaliyalı gətirir

Bütün xəbərlər