Türkiyə millisinin baş məşqçisi Şenol Günəşlə bu ölkənin futbol federasiyasının prezidenti Nihat Özdəmir arasında görüş keçirilib.

"Football-plus.az" saytının məlumatına görə, tərəflər sentyabrın 7-də "ay-ulduzlular"ın səfərdə Niderlanda 1:6 hesabı ilə uduzmasının ardından bir araya gəlib. Təxminən 3 saat davam edən görüşdə mütəxəssisin millidəki işinə son veriləcəyi gözlənilsə də, bu, baş tutmayıb. Belə ki, qurum rəhbəri Günəşlə bir neçə gündən sonra yenidən görüşəcəyini bildirib.

Qeyd edək ki, təcrübəli məşqçi 2019-cu ildən Türkiyə yığmasının "sükanı arxasındadı".