Konfrans Liqasının qrup mərhələsinin 1-ci turunun "Qarabağ" - "Bazel" matçının biletləri satışa çıxarılma vaxtı bəlli olub.
Bu məlumatı "Football-plus.az" saytına açıqlamasında klubun mətbuat katibi Gündüz Abbaszadə verib. Ağdam təmsilçisinin rəsmisinin sözlərinə görə biletlər sabahdan satışda olacaq:
"Təqribən 31 min civarında bilet azarkeşlərin ixtiyarına veriləcək. Qiymətlər haqda hansısa məlumatım yoxdu. Sabah daha dəqiq bilinəcək".
Qeyd edək ki, görüş sentyabrın 16-da Bakı Olimpiya Stadionunda keçiriləcək.
İLKİN SULTANLI
