Portuqaliya ilə oyunda 1 xala ümid edir - AÇIQLAMA
Bu gün milli komandamız DÇ-2022-nin seçmə mərhələsində Bakı Olimpiya Stadionunda Portuqaliya ilə üz-üzə gələcək.
Yığma hazırda A qrupunda İrlandiya ilə sonuncu pilləni bölüşür. Keçirdiyi son iki oyunda cəmi 1 xal toplayan Canni de Byazinin komandasının çətin rəqib qarşısında necə çıxış edəcəyi hamını düşündürür.
"Football-plus.az" saytı olaraq, həm bugünkü qarşılaşma, həm də yığmanın əldə etdiyi nəticələrlə bağlı millinin sabiq futbolçusu Cavid Hüseynovla danışdıq:
"Lüksemburqla oyunda hamı təəssüf hissi keçirdi. Yığmadan daha yaxşı nəticə gözləyirdik. Bu, mümkün ola bilərdi. Düzdü, Lüksemburq millisi son illərdə futbolunu inkişaf etdirib. Oyunçuları da hazırda yaxşı klublarda çıxış edir. Komandamız İrlandiya ilə qarşılaşmada oyunu ilə sübut etdi ki, daha çox xal toplaya bilərdi. Çünki hazırda yığmada çıxış edənlər meydanda sözünü deməyi bacaran futbolçulardı. Bu matçda qələbə qazana bilərdik. Təəssüf ki, bərabərə qaldıq. Bu gün Portuqaliya ilə görüşdən heç olmasa, 1 xal götürəcəyimizə ümid edirəm".
SƏNƏM FƏRHADOVA
