Azərbaycan Taekvondo Federasiyasının İdarə Heyətinin toplantısı keçirilib.

"Football-plus.az" saytının məlumatına görə, iclasda məşqçi müəllimlərin fəaliyyəti və Tokio Yay Olimpiya Oyunlarında taekvondoçuların çıxışı müzakirə olunub.

Kişilərdən ibarət millinin baş məşqçisi Reza Mehmandost postunda qalıb. Onun köməkçisi isə indiyədək yeniyetmələrin böyük məşqçisi olan Sənan Həşimov təyin edilib. Qadın yığmamızın baş məşqçisi Elnur Amanov istefaya göndərilib. Təcrübəli mütəxəssisi əvvəl yeniyetmələri çalışdıran Səbuhi Zülfüqarov əvəzləyib. Ona Rəşad Məmmədov kömək edəcək.

Gənclərdən ibarət millinin baş məşqçisi Məmməd Abdullayevlə köməkçisi Zahid Məmmədov da postunu qoruyub. 21 yaşadək gənclərdən ibarət yığmada Ələkbər İmaməlivevlə köməkçisi Vüqar Məcidov fəaliyyətlərini davam etdirəcəklər. Yeniyetmələr Elnur Amanova tapşırılıb ki, onun yardımçısı Vurğun Cəfərovdu.