Rusiyada keçirilən 1-ci MDB Oyunlarında boks yarışları davam edir.

"Football-plus.az" saytının məlumatına görə, dünən yarımfinalda ilk görüşündə məğlub olan Aysu İsmayılova (48 kq), İsgəndər Qızbəs (57 kq) və Emili Rzayevanın (63 kq) bürünc medal qazanması rəsmiləşib.

Bundan əlavə, bu gün yarımfinalda uduzan kişi boksçular Tağı Nəsibov (48 kq) və İbrahim Zeynalov (50 kq) da bürünc medala sahib çıxıb.

Qeyd edək ki, hesabında 3 qızıl, 1 gümüş və 7 bürünc medal olan Azərbaycan millisi sıralamada ikincidi.