Bir neçə aydı yaşıl meydanlarda görünməyən Kristian Eriksen komandasına Çempionlar Liqasının qrup mərhələsində kömək edə bilməyəcək.

“İnter” rəhbərliyi təcrübəli futbolçunun adını bu mərhələ üçün komandanın iştirak ərizəsinə daxil etməyib.

Anaq Eriksen A seriyasının oyunlarında iştirak edə biləcək. 29 yaşlı futbolçu “İnter” ÇL-də 1/8 finala çıxacağı halda bu turnirdə oynamaq şansı qazanacaq.

Xatırladaq ki, AÇ-2020-nin qrup mərhələsinin iyunun 12-də keçirilən Finlandiya ilə oyununun (0:1) ilk hissəsində huşunu itirən Danimarka yığmasının yarımmüdafiəçisini 15 dəqiqəlik tibbi müdaxilədən sonra həyata qaytarmaq mümkün olmuşdu. Bir neçə gündən sonra ürəyində mikroəməliyyat keçirən Kristian hələ ki cari mövsümdə rəsmi oyunda meydana çıxmayıb.