Azərbaycan millisi Tokio-2020 Yay Paralimpiya Oyunlarında çıxışını başa vurub.

“Football-plus.az” saytının məlumatına görə, yığmamız sabah yekunlaşacaq turnirdə daha 2 qızıl medal qazanıb.

Paraatlet Lamiyə Vəliyeva ikinci dəfə fəxri kürsüyə yüksəlib. 100 metr məsafəyə qaçışda gümüş medal alan təmsilçimiz 400 m məsafəyə qaçışda "qızıl" qazanıb. O, 55 saniyə göstərici ilə finiş xəttinə birinci çatıb və paralimpiya rekordunu qırıb.

Digər paraatlet Yulia Yanovskaya 400 metr məsafəyə qaçışda 57.18 saniyə ilə 5-ci yeri tutub.

Atletikada Orxan Aslanov (T13) uzunluğa tullanmada 7.36 metr nəticə göstərərək qızıl medal qazanıb.

Bugün mübarizəyə qoşulan Yelena Taranova və Kamran Zeynalov 50 metr məsafayə gülləatmada finala vəsiqə qazana bilməyib.

Qeyd edək ki, idmançılarımız Tokio-2020 Yay Paralimpiya Oyunlarında çıxışını 14 qızıl, 1 gümüş və 4 bürünc medalla bitirib. Millimiz hazırda medal sıralamasında 9-cu yerdə qərarlaşıb.