DÇ-2022-nin seçmə mərhələsində keçirilən oyunların statistik göstəriciləri açıqlanıb.

“Football-plus.az” saytının məlumatına görə, millimizin qapıçısı Şahruddin Məhəmmədəliyev cari mövsümün ən çox qurtarış edən qapıçısıdı.

27 yaşlı qolkiper yığmamızın Lüksemburqa 1:2 hesabı ilə uduzduğu qarşılaşmada iki dəfə komandasını real qoldan xilas edib. Məhəmmədəliyev bundan öncə millimizin Portuqaliyaya və Serbiyaya uduzduğu oyunlarda ümumilikdə 15 seyvlə yadda qalmışdı. Hazırda Şahruddin 21 qurtarışla siyahıya başçılıq edir.

Qeyd edək ki, sentyabrın 4-də İrlandiyanın qonağı olacaq Azərbaycan millisi sentyabrın 7-də Portuqaliyanı qəbul edəcək.