Azərbaycan idmançıları MDB ölkələrinin 1-ci Oyunları üçün Tatarıstanın paytaxtı Kazana yola düşüblər.

“Football-plus.az” saytının məlumatına görə, bu yarışda ölkəmizi 118 idmançı atlet təmsil edəcək. "Odlar yurdu" badminton (8), basketbol 3X3 (4), boks (9), cüdo (16), futzal (13), stolüstü tennis (8), stend və güllə atıcılığı (3), karate (20), kəmər güləşi (4), kureşe (5), qadın güləşi (6), sambo (7), sərbəst güləş (10), yunan-Roma güləşi (9), tay-boksu (6) yarışlarında iştirak edəcək.

Qeyd edək ki, MDB ölkələrinin 1-ci Oyunlarına sentyabrın 4-də Kazanda start veriləcək və 11-dək davam edəcək.