DÇ-2022-nin seçmə mərhələsinin Lüksemburq - Azərbaycan matçından öncə qapıçımız Şahruddin Məhəmmədəliyev mətbuat konfransında iştirak edib.

27 yaşlı qolkiper çətin görüş olacağını bildirib:

"Həm fiziki, həm də psixoloji olaraq yaxşı vəziyyətdəyik. Sabahkı oyunda uğurlu nəticə əldə etməyə çalışacağıq. Rəqibin də gücünü qiymətləndirmək lazımdı. Güclü heyətə malik komandadı. Bir neçə ildi birlikdə çıxış edirlər. Hücum xəttində Rodroqes, Sinani kimi güclü futbolçuları var. Oturuşmuş heyətə malikdilər. Sanki milli komanda yox, klub futbolu nümayiş etdirirlər".

Qeyd edək ki, sentyabrın 1-də Lüksemburq stadionunda oynanılacaq qarşılaşma Bakı vaxtı ilə 22.45-də başlayacaq