Kriştiano Ronaldonun “Mançester Yunayted” ilə razılaşdırdığı müqavilənin şərtləri hələ ki rəsmən açıqlanmayıb.
Buna baxmayaraq, 12 ildən sonra sabiq klubuna qayıdan ulduz futbolçunun premyer-liqada 1-ci olacağı xəbər verilir.
“Daily Mail” qəzetinin yazdığına görə, “Yuventus”dakı üçillik çıxışını başa vuran portuqaliyalı hücumçu MY-də həftəyə 560 min avro məvacib alacaq. Ronaldo bu göstəriciyə əsasən İngiltərədə ən ödənişli oyunçuların siyahısına başçılıq edəcək. Belə ki, o, həftəlik maaşına görə “Çelsi”nin hücumçusu Romelu Lukaku (525 min avro) ilə “Mançester Siti”nin yarımmüdafiəçisi Kevin de Bruyneni (450 min avro) arxada qoyacaq.