"Layiqli qələbə idi" - NAGELSMAN
Almaniya çempionatının 3-cü turunda son çempion "Bavariya" "Herta"nı qonaq edib.
"Footaball-plus.az" saytının məlumatına görə, Münhen təmsilçisi berlinliləri 5 cavabsız qolla məğlub etməyi bacarıb.
Matçın ardından "Bavariya"nın baş məşqçisi Yulian Nagelsman mətbuat konfransında oyun haqda açıqlama verib:"Bu gün çox məmnunam. Mövsümün ən yaxşı oyununu keçirdik. Əvvəlcə matçın tempinə uyğunlaşmaq üçün bir az vaxt lazım oldu. Sonra daha yaxşı hərəkət etməyə başladıq.
"Köln"lə matçdan fərqli topa daha çox sahib idik. Uğurlu taktiki gediş və əks-hücumlarla yadda qaldıq. Topla yüksək səviyyədə oyandıq və qol vurmaq üçün çoxlu şanslar yaratdıq. Bu layiqli qələbə idi. Futbolçularımı təbrik edirəm".
