Mahir Emreli özünü qəhrəman saymır
"Legiya"nın hücumçusu Mahir Emreli "Slaviya" (Praqa) ilə oyundan sonra fikirlərini açıqlayıb.
“Football-plus.az” saytının məlumatına görə, milli üzvü komandasının 2:1 hesabı ilə qalib gələrək Avropa Liqasının qrupuna vəsiqə qazanması haqda bunları deyib:"Düzgün danışa və hisslərimi sözlə ifadə edə bilmirəm. Çox emosional oyun alındı. Daha əvvəl Çempionlar Liqası və Avropa Liqasında oynamışam. Lakin bu, xüsusi bir hissdi”.
Mahir sözə belə davam edib:“Özümü əsas qəhrəman kimi hiss edirəm? Yox. Futbol kollektiv oyundu. Komanda şəklində mübarizə apardıq və qrupa yüksəldiyimizə görə xoşbəxtik. Bir-birimizə dəstək olmasaydıq, bu qolları vura bilməzdim.
Ən yaxşı komandalarla oynamaq istəyirik. Təcrübə toplayırıq. Lakin kiminlə oynayacağımızı heç vaxt düşünmürəm. Bu elə də vacib deyil”.
