“Neftçi” hücumçu problemini həll etdi
“Neftçi” İsraildən yeni hücumçu ilə qayıdacaq.
“Football-plus.az” saytının məlumatına görə, “ağ-qaralar” 34 yaşlı Nikita Rukavitsanın transferində sona yaxınlaşıb. Konfrans Liqasının pley-off mərhələsinin cavab qarşılaşmasında sabah səfərdə “Makkabi”yə qonaq olacaq “Neftçi”nin Bakıya avstraliyalı hücumçu ilə dönəcəyi gözlənilir. Futbolçu İsraildə klub rəhbərliyi ilə görüşəcək. “Neftçi”nin Nikita ilə 2 illik müqavilə bağlayacağı gözlənilir. Onun mövsümlük qazancı 400 min avro olacaq.
Hücumçunun agenti məsələ ilə bağlı açıqlama verərək futbolçunun İsraildə yalnız "Makkabi"də oynaya biləcəyini söyləyib:"Bu ölkədən gələn digər təkliflərə baxmayaraq Nikita ayrılmaq qərarına gəlib. Şübhəsiz ki, ən yaxşı təklifi Bakı klubu edib".
Qeyd edək ki, hazırda azad agent olan Rukavitsa ötən mövsüm Hayfa təmsilçisinin heyətində 22 oyuna 19 qol vurub. Forvard daha əvvəl "Tvente", "Herta", "Maynts" və "Frankfurt"da top qovub.
