Lukas Torreyra yenidən İtaliyada top qovacaq.

"Football-plus.az" saytının məlumatına görə, “Arsenal”ın yarımmüdafiəçisi “Fiorentina”ya keçməyə yaxındı.

İtaliyalı jurnalist Fabritsio Romanonun “tvitter” səhifəsi vasitəsilə verdiyi xəbərə görə, o, bu gün İtaliya klubunda tibbi müayinədən keçəcək və səhhəti ilə bağlı hansısa problem ortaya çıxmasa, florensiyalılarla müqaviləyə qol çəkəcək. Lukas yeni klubunda icarə əsasında çıxış edəcək.

“Fiorentina”nın uruqvaylıya görə 1,5 milyon avro icarə haqqı ödəyəcəyi də məlum olub.

Qeyd edək ki, 25 yaşlı Torreyra 2018-ci ildə “Arsenal”a qoşulmazdan əvvəl “Peskara” və “Sampdoriya”da çıxış edib.