Azərbaycan premyer- liqasının 2-ci turu çərçivəsində "Sumqayıt" "Sabah"ı qonaq edəcək.
Qarşılaşma haqqında fikirlərini öyrənmək üçün Əfqan Talıbova müraciət etdik. Təcrübəli mütəxəssis saytımıza bu sözləri dedi:
"Çempionata qələbə ilə başlayan "Sumqayıt" ilk turda evində məğlub olan "Sabah"ı qonaq edəcək. Masazır təmsilçisi oyuna böyük itki ilə çıxacaq. Komandanın aparıcı oyunçusu, həmçinin millimizin üzvü Aleksey Isayevin COVİD-19 testi pozitiv çıxıb. Düşünürəm ki, "Sabah" oyuna ancaq uduzmamaq düşüncəsi ilə çıxacaq və top buraxmamağa çalışacaq. "Sumqayıt"da isə əhval-ruhiyyə yüksəkdi və komanda bu oyunda da qalib gəlmək üçün əlindən gələni edəcək. Bu baxımdan görüşdə üstünlük 60 faiz meydan sahiblərinin xeyrinə ola bilər. Onu deyə bilərəm ki, matç gərgin və qarşılıqlı hücumlarla keçəcək. Hava şəraiti də bu gün əlverişlidi. Oyun "sülh"lə yekunlaşa bilər. Amma "Sabah" daha çox əziyyət çəkəcək. Çünki komandanın hücum xəttində problem var".
SƏNƏM FƏRHADOVA
