Avrokubokların pley-off mərhələsinin oyunlarından sonra UEFA reytinqi açıqlanıb.

"Football-plus.az" saytının məlumatına görə, baş tutan qarşılaşmalar cədvəldə bir sıra dəyişikliklərə səbəb olub.

Azərbaycan hesabına daha 0,375 əmsal yazdırıb. Bunun 0,250-si “Aberdin”i məğlub edən “Qarabağ”ın, 0,125-i “Makkabi” ilə heç-heçə edən “Neftçi”nin payına düşür.

Bununla da ölkəmizin cari mövsümdəki qazancı 1,875-ə çatıb.

Bununla belə Azərbaycanın siyahıda mövqeyi dəyişməyib və 30-cu sırada qalıb. Lakin Sloveniyaya çatmaq mümkün olub, amma əlavə göstəricilərə görə, balkanlılar 29-cu sıradadı.

Qeyd edək ki, cədvələ İngiltərə başçılıq edir.