1-ci turun qəhrəmanı təşəkkür etdi - AÇIQLAMA
Premyer-liqanın 1-ci turunda “Sumqayıt” səfərdə “Keşlə”ni yenməklə 30-cu ölkə çempionatına uğurlu start verdi.
“Kimyaçılar”ın 3 xalı bayram etməsində müstəsna xidməti olanlardan biri də Rəhim Sadıxov oldu. Yarımmüdafiəçi dubl etməklə yanaşı, “Futbol+”in qiymətləndirilməsinə görə “turun oyunçusu” nominasiyasının qalibi oldu.
Rəhim Sadıxov oyunla bağlı fikirlərini “Football-plus.az” saytına bölüşdü:
“Oyun son dəqiqələrə qədər çətin və gərgin keçdi. Uda da, uduza da bilərdik. Matçın sonlarında iki dəfə rəqibi əks-hücumda yaxaladıq və məntiqi sonluğu gətirə bildim. Bütün komanda yoldaşlarıma sona qədər mübarizə apardıqları üçün təşəkkür edirəm”.
RƏŞAD
