Deyəsən, “Mançester Siti” rəhbərliyi artıq Harri Keyni bu yay sıralarına qata bilməyəcəyini anlayıb.

İngiltərə klubunun istiqaməti başqa futbolçuya yönəltdiyi iddia edilir.

“Football Italia” portalı MS-nin artıq Duşan Vlahoviçin transferini həyata keçirməyə çalışdığını xəbər verir.

Qeyd edək ki, serbiyalı hücumçu “Atletiko”nun maraq dairəsindədi. İspaniya klubunun ona görə 70 milyon avroluq təklif hazırladığı bildirilir.

Maraqlıdı ki, “Tottenhem” Keyni itirəcəyi halda onun boşalacaq yerini məhz Vlahoviç ilə doldurmağı planlaşdırır və bunun üçün “Fiorentina”ya əvvəlcə 60 milyon, sonra isə 70 milyon avro təklif irəli sürmüşdü. Son xəbərlərdə MS-nin qarşı tərəflə danışıqlara 80 milyon avroluq təkliflə başladığı qeyd edilir. Yeri gəlmişkən, 21 yaşlı Duşan A seriyasının son mövsümündə 37 oyuna 21 qol vurub.