Şalke-04"ün ikinci komandasına keçən Rüfət Dadaşov "Finiks Rayzinq" ilə vidalaşıb.
“Football-plus.az” saytının məlumatına görə, 30 yaşlı hücumçu “instaqram” hesabında paylaşım edərək, Arizona təmsilçisinə təşəkkür edib:
"Keçirdiyim 2 il həqiqətən möhtəşəm idi. Məni qardaş kimi qarşıladız ki, bunu heç vaxt unutmayacam. Bu təcrübəni yaşadığıma görə sizə minnətdaram. Mənim üçün etdiyiniz hər şeyi qiymətləndirirəm. Həyatımın həmin anları heç vaxt yaddan çıxmayacaq. "Finiks Rayzinq"ə hər şeyin ən yaxşısını arzulayıram".
Qeyd edək ki, Rüfət Dadaşov Almaniyada "Kayzerslautern", "Saarbrükken", "Dinamo" (Berlin) və "Proyssen"də də oynayıb.
