"Qarabağ" Konfrans Liqasının pley-off mərhələsinin ilk matçları çərçivəsində Şotlandiyanın "Aberdin" klubunu qəbul edəcək.

Tofiq Bəhramov adına Respublika stadionunda baş tutacaq oyunöncəsi mətbuat konfransları və açıq məşqlərin tarixi bəlli olub. "Köhlən atlar"ın baş məşqçisi Qurban Qurbanov media mənsublarının önünə avqustun 18-də, 18.00-da çıxacaq. 18.30-da isə media nümayəndələri üçün komandanın açıq məşqi olacaq.

Həmin gün 19.30-da şotland klubunun çalışdırıcısı Stefen Qlassın mətbuat konfransı və 20.00-da komandanın açıq məşqi baş tutacaq.

Qeyd edək ki, "Qarabağ" - "Aberdin" matçı avqustun 19-da, 20.00-da başlayacaq.