Azərbaycan şirkəti Ronaldinyo ilə müqavilə bağladı
Azərbaycanlı startapçının yaratdığı "Eleven Kings" oyunu əfsanəvi futbolçu Ronaldinyo ilə əməkdaşlıq müqaviləsi imzalayıb.
Mərasim ABŞ-ın Mayami şəhərində baş tutub. Sazişə görə braziliyalı futbolçu "Eleven Kings" oyununun təbliğində iştirak edəcək. O, sosial media hesablarında layihə barədə məlumatlar paylaşacaq. Həmçinin reklam və marketinq məqsədlərində də Ronaldinyo iştirak edəcək.
"Eleven Kings"in rəhbəri Orxan Rzayev bu barədə öz fikirlərini bölüşüb:
"Bu, bizim komanda üçün tarixi gündü. Dünya futbolunda özəl yeri olan bir futbolçu ilə ortaq iş görmək həyəcanlıdı, həm də böyük potensial vəd edir. Düşünürəm ki, bu əməkdaşlıq bizə həm imic olaraq, həm də biznesin qlobal miqyasda yayılması olaraq ciddi faydalar verəcək. Ronaldinyo kimi biznes tərəfdaşı qazanmaq azərbaycanlı startap komandası üçün böyük uğurdu".
Qeyd edək ki, "Eleven Kings" futbol menecer oyunudu.
