Azərbaycan premyer-liqasının 1-ci turunda "Zirə" "Qarabağ"ı qonaq edir.

"Football-plus.az"ın məlumatına görə, Zirə İdman Kompeksində problem yaşanıb. Belə ki, Ağdam təmsilçisinin əsas azarkeş dəstəyi sayılan "İmarət" fanklubu tribunaya buraxılmayıb. Ev sahibi komanda nəzərdə tutulan faiz həcminin 20-ni rəqib azarkeşlər üçün ayırıb. Həm "İmarət", həm də "Qarabağ Ordu" fanklublarında olan üzvlərinin sayı bunu keçdiyi üçün ikinci azarkeş qrupu tribunaya buraxılmayıb.

Qeyd edək ki, AFFA premyer-liqa matçlarında stadiona arenanın 50 faizi həcmində azarkeşlərin buraxılmasını nəzərdə tutsa da, sonradan bu qərarı dəyişib. Hazırda bu, 30 faiz olaraq nəzərdə tutulub.

Nəzərinizə çatdıraq ki, "İmarət" fanklubunun üzvləri oyunun ilk 10 dəqiqəsini izlədikdən sonra stadion ətrafını tərk ediblər.